Ataqqinaammik ilaasortaqarneq
Kattuffitsinni pingaartissimavarput Erfalasortaarniarnerup aammalu erfalasoqarnerup kiisalu kattuffeqarnerup tungaatigut suliniarluarsimasut ataqqinaammik ilaasortarinissaat ullumikkut ukuusut:
Jonathan Motzfeldt
Ataqqinaammik ilaasortanngortinneqartoq: 21. juuni 1995.
Inunng. 25.09.1938 Qassimiuni, toq. 28.10.2010 Nuummi.
Palasi, Landsrådimut ilaasortaq 1971-1979.
Naalakkersuisut siulittaasuat 1979-1988.
Erfalasortaarnisaq pillugu ataatsimiisitaliami siulittaasoq 1985.
Jonathan Motzfeldt pillugu arlalinnik atuakkiaqarpoq.
Thue Christiansen
Ataqqinaammik ilaasortanngortinneqartoq: 21. juuni 1995.
Inunng. 25.02.1940 Maarmorilimmi, toq. 26.06.2022 Hou/Hals -imi.
Ilinniartitsisoq, eqqumiitsuliortoq.
Kultureqarnermut Ilinniartitaanermullu naalakkersuisoq
1979-1983.
Erfalasutsinnik ilusilersuisoq.
Assigiinngitsorpassuartigut soorlu, nunatsinni atuartitaaneq eqqumiitsuliunnerlu pillugit siunnersortitut.
Akaaraq Samuel Olsen
Ataqqinaammik ilaasortanngortinneqartoq: 03. september 2020.
Inunng. 23.10.1936 Sisimiuni.
Ilinniartitsisoq.
Assigiinngitsorpassuartigut soorlu, nunatsinni atuartitaaneq pillugu ilinniusiornermi suleqataasutut minnerunngitsumillu Nunatsinni Brugseneqarnerup aallartisarnerani siulersugaaneranilu suleqataasutut.
Peqatigiiffippassuarni assigiinngitsuni siulersuisooqataasutut.
Peqatigiiffik erfalasorput Sisimiut 1988 -mi aammalu Kattuffik Erfalasorput 1989 -mi pilersinneqarmata pilersitseqataasutut ataannartumillu siulersueqataasutut taakkunannga kattuffimmi ukiuni 28 -ni ataannartumik siulittaasutut.
Hindrik Nielsen
Ataqqinaammik ilaasortanngortinneqartoq: 21. juuni 2020.
Inunng. 01.06.1942 Saarlumi, toq. 04.09.2022 Qaqortuimi.
Aalisartoq - sætteskipper.
Landsrådemut Inatsisartunilu ilaasortaasimasoq.
Nunaqarfinnut Illoqarfinnullu avinngarusimanerusunut, Suliffeqarnermut, Inuusuttunullu naalakkersuisoq 1983-1987.
Erfalasortaarnissatsinnik siunnersuuteqartoq piviusunngortumik 1985.
Assigiinngitsorpassuartigullu Kommunalbestyrelsimut, kattuffinnut suliniaqatigiiffinnullu assigiinngitsunut ilaasortaasarsimasoq.
