Ataqqinninneq
Erfalasoq ataqqineqarlunilu mianerineqartussaavoq, soorlu assersuutigalugu ingitsilasuunanilu, ipertuujunanilu qarsorsimasuussanngilaq.
Angissutsit eqqortut
Maleqquneqartutut uuttuuteqartussaavoq erfalasulerfiillu portussutsimikkut erfalasup angissusaanut naleqquttuusussaallutik, soorlu erfalasulerfik nunamiittoq erfalasup portussusaanit tallimariaammik takinerussaaq.
Tapersersuisut aningaasaliisullu
Tapersersuisut Kattuffik Erfalasorput-mut tapersersuisui suliniutaanullu aningaasaliisui ukuupput: Namminersorlutik Oqartussat (Tips & Lotto-p aningaasaateqarfia) aamma Nunafonden.
Erfalasorput asissorneqassanngilaq
Erfalasoq kimilluunniit oqaatsitigut iliuutsitigulluunniit asissorneqassanngilaq. Inatsisartut inatsisaanni aalajangersakkat unioqqutinneqarpata taamaaliorneq akiliisitsinermik kinguneqarsinnaavoq.Aamma takuuk: Kalaallit immikkut
Ilusilersuisoq
Thue Christiansen
Thue Christiansen Nunatta erfalsuanik ilusilersuisuuvoq. Ilinniartitsisuuvoq eqqumiitsuliortuullunilu. Kattuffik Erfalasorput-mi ataqqinaammik ilaasortanngortinneqarpoq 21. juni 1995.
Nunatta sineriassua inoqarfiusoq kangerluppassuarnik aggulunneqqarsimasorlusooq kangerluttaqarpoq sermersuarmik ilanngarteriuartunik, iigartartunik taaguutilinnik.
Sermersuup ilaminersua ilaminersui ullut tamaviisa kaanngartinneqartuartut kangerluit qinngui aallaavigalugit iluliarsuanngorlutik silammut aallallaaraat takorannerlutik, alutornaqalutik mianersorfigisaasaqarlutillu.
Nunarput qeqertaagami kaajallallugu immamik avatangerneqarsimavoq, immallu sarfarnermigut iluliarsuit sineriassuarput sinerlugu ingerlaartittuartarpai isikkivipput silaannarpullu allanngorartittuarlugu.
Ilaasortaaneq
Kikkulluunniit ilaasortanngorsinnaapput
inuttut ataasiakkaatut, peqatigiiffittut suliffeqarfittulluunniit
Inuttut ataasiakkaatut
Kr.20
- Ukioq kaajallallugu ilaasortaaneq
- Tapersersuisutut takutitsigit
- Saqqarmiunnagit
Peqatigiiffittut
Kr.50
- Ukioq kaajallallugu ilaasortaaneq
- Tapersersuisutut takutitsigitsi
- Saqqarmiunnagitsi
- Akkikillisaavigitigitsi
Suliffeqarfittut
Kr.500
- Ukioq kaajallallugu ilaasortaaneq
- Tapersersuisutut takutitsigitsi
- Saqqarmiunnagitsi
- Akkikillisaavigitigitsi
