MALITTARISASSAT – KATTUFFIK ERFALASORPUT
§ 1.1
AQQA: Kattuffik ateqaarpoq “ERFALASORPUT”
NAJUGAQARFIA: Ataatsimeersuarnermi aalajangerneqartassaaq.
AALLARTINNEQARFIA: 4. november 1989. (Sisimiuni)
§ 2.1
SIUNERTAA: ERFALASORPUT nuna tamakkerlugu suleqatigiiffiuvoq, naalakkersuinermi sulini-aqatigiiffinnut attaveqanngitsoq. Inuiaat kalaallit nunaminnut erfalasuminnullu asanninnerata ataqqinninneratalu ataavartinneqarnissaat siunertaraa.
Siunertaq anguniarneqassaaq makku aqqutigalugit:
Kalaallit erfalasuata ataatsimuussusermut pingaaruteqarneranik eqqortumillu atorneqarnis-saanik paasisitsiniaanikkut.
Katinngatinik peqatigiiffinnut, suliniaqatigiiffinnut, suliffeqarfinnut kiisalu inunnut ataasiakkaa-nut piniussisarnikkut, siunertanillu inunnut iluaqutissaasunik tapersersuinikkut.
§ 3.1
ILAASORTAQARNEQ: ERFALASORPUT-mik katinngatillit, peqatigiiffiit, suliniaqatigiiffiit, sulif-feqarfiit aammalu inuit ataasiakkaat taassuma siunertaanik maligaqarumasut ilaasortaasinnaa-pput.
§ 3.2
Naalagaaffeqatigiinnerup iluani najugallit § 3.1-mik maligaqarumasut ilaasortaasinnaapput.
§ 4.1
AAQQISSUGAANERA: Kattuffik ERFALASORPUT immikkoortortalersorneqassaaq najugaqarfinni sumiikkaluartumiluunniit §3-mi ilaasortatut taaneqartut sinniisitut toqqagaannik inuttalimmik.
Sinniisitut toqqarneqartoq ataatsimik amerlanerusunilluunniit sinniisissaqassaaq.
§ 4.2
IMMIKKOORTORTAT SULIASSAAT: Immikkoortortaqarfiit ERFALASORPUT-p kattuffittut ilisarnaa-taanik allanillu tuniniaasassapput, kalaallillu inuiattut ulluata nalliussineqarnerani aaqqis-sueqataasassallutik. Iluanaarutit affaat ERFALASORPUT-mut isertinneqartassapput affaalu tuni-niaasut immikkoortortaqarfianut nakkartinneqassapput.
§ 4.3
Immikkoortortaqarfiit malittarisassiussappata malittarisassat ERFALASORPUT-p siulersuisuu-nerinut nalunaarutigineqartassapput.

§ 5.1
SIULERSUISOQARNERA: ERFALASORPUT-mi qullersaapput qinikkat tassaasut siulersuisuunerit aammalu immikkoortortaqarfinnit tamanit aallartitat. Qullersatut piginnaatitaanertik ataatsi-moortoq ataatsimeersuarnermi ukiut tamaasa pisartumi aalajangersaanikkut ersersittassavaat.
§ 5.2
Siulersuisuunerit ataatsimeersuarnermut sinniillutik aggersussanik allanik qaaqqusisinnaapput, taakkuli taaseqataasinnaanngillat.
§ 6.1
Siulersuisuunerit qinikkatut ERFALASORPUT siulersussavaat taamatut sulinerminni ataatsimeer-suarnermut akisussaallutik. Siulersuisuunerit ukuussapput: siulittaasoq, siulittaasup tullia, allatsi, aningaaserisoq aammalu ilaasortaq ataaseq.
§ 6.2
Siulersuisuunerit ikinnerpaamik atsaat pingasut ataatsimeeqataappata aalajangiisinnaapput.
§ 6.3
SIULERSUISUUNERNUT QINERSINEQ: Siulersuisuunerit ataatsimeersuaqataasunit qinerneqar-tassapput.
Siulittaasoq aningaaserisorlu immikkut qinerneqartassapput.
Siulersuisunngortut akunnerminni siulittaasup tullia allatsilu qinertassavaat.
§ 6.4
Kattuffik Erfalasorput illersuisoqassaaq (ajornanngippat) inatsisartut siulittaasuannit. (tamanna anguniarneqassaaq)
§ 7.1
Qullersat §5 naapertorlugu qinikkat ataatsimeersuarnerat ukiut tamaasa pisassaaq.
Qullersattaaq oqarasuaatikkut ataatsimeersuartinneqarsinnaapput.
§ 7.2
Ataatsimeersuarnissamut aggersaaneq kingusinnerpaamik ataatsimeersuarnissaq sapaatit aku-nnerinik tallimanik sioqqullugu siulersuisuunerit sulissutiginninnerat tunngavigalugu pisassaaq.
§ 7.3
Qullersat ileqquusumik ataatsimeersuarnissaat kingusinnerpaamik sapaatit akunnerinik sisama-nik sioqqullugu oqaluuserisassatut siunnersuutit siulersuisuunernut nassiunneqartassapput. Oqaluuserisassat tulleriiaarneri §9 malillugu aaqqissuussat, oqaluuserisassatut siunnersuutit naatsorsuutillu ERFALASORPUT-p allafianiit nassiussorneqarssapput ataatsimeersuarnissaq kin-gusinnerpaamik sapaatit akunnerinik marlunnik sioqqullugu.

§ 8.1
Ileqquusumik ataatsimeersuarnermi oqaluuserisassatut uku ilaasassapput:

1. Tikilluaqqusineq.
2. Aqutsisussamik qinersineq.
3. Siulersuisuunerit nalunaarutaat.
4. Naatsorsuutit kukkunersioriikkat saqqummiunneqarnerat.
5. Oqaluuserisassatut siunnersuutit oqallisigineri aalajangiivigineqarnerilu.
6. Siulersuisuunernut ilaasortassanik qinersineq:
   A. Siulittaasussamik
   B. aningaaserisussamik
   C. siulersuisuunernut ilaasortassanik sinniisissaannillu
   D. kukkunersiuisumik taamatut akuerisaasumik qinersineq
7. ukiumoortumik ilaasortat akiliutaata aalajangiiffigineqarnera
8. ataatsimeersuarnissap tulliuttup sumiinnissaanik imaluunniit qanoq ilusilimmik ataatsimeersuartoqarnissaanik aalajangiineq
9. Tamalaat.

§ 8.2
Ataatsimeersuarnermi aalajangiinerit tamarmik aalajangiiffigineqartassapput amerlanerussute-qartut isumaat malillugu. Allalluni aalajangiinissaq piumasaqaatigineqarsinnaavoq.
§ 8.3
Qullersatut § 5.1-mi taaneqartut kisimik siumut allakkatigut nalunaarutigineqareersimasut taaseqataasinnaapput.
§ 8.4
Aalajangiinerit ataatsimeersuarnermi imaqarniliamut allanneqartassapput. Tamanna ataatsimeersuarnermi aqutisumit siulittaasumillu atsiorneqartassaaq. imaqarniliami allataq aalijangikkap qanoq ittuuneranut uppernarsaatitut atorneqartussaavoq.

§ 9.1
ERFALASORPUT-mi suliarisat siulittaasumit pisussaassuseqarfittut atsiorneqartassapput, kisian-nili aningaasanut tunngassuteqartut inunnit marlunnit siulersuisuunernit taamaaliorsinnaasutut akuerisaasunit atsiorneqartassallutik.

§ 10.1
Ukioq naatsersuiffik ingerlanneqassaaq januarip 1-aniit decemberip 31-annnut.

§ 11.1
ERFALASORPUT kattuffittut atorunnaarsinneqarsinnaavoq aatsaat qullersat ataatsimeersuarner-minni aalajangiinerisigut, qullersat affaat ilaappata kiisalu ataatsimeersuaqataasut ¾-ii atorun-naarsitsiniarnermut siunnersuummut isumaqataappata. Ataatsimeersuaqataasut kattuffiup ato-runnaarsinneqarsinnaaneranut aaliangiisinnaassuseqanngippata ataatsimiigiaqqu-sisoqaqqissaaq.
Ataatsimeersuarnermi tassani ilaasut amerlassusiat qullersatut naleqqersuunnagu isersimasut 2/3-ii atorunnaarsitsinissamut isumaqataappata ERFALASORPUT kattuffittut atorunnaarsinne-qas-saaq.
§ 11.2
Ataatsimeersuarnermi ERFALASORPUT-p kattuffittut atorunnaarsinnissaanut tunngassuteqartoq allakkatigut oqarasuaatikkulluunniit pisinnaavoq siulersuisuunerit tamatuminnga aalajangiinera-tigut.
§ 11.3
Atorunnaarsitsiniarluni ataatsimeersuarnermi aammattaaq aalajangiiffigineqassapput ERFALA-SORPUT-p kattuffittut aningaasaataasa, atortussaataasa allallu pissarisaasa qanoq pineqarnis-saat.

§ 12.1
Malittarisassat akuersissutigineqarput atortussanngortinneqarlutillu Sisimiuni ileqquusumik ataatsimeersuarnermi 17. 02. 2024.